Сярод духоўных набыткаў нашага народа асаблівую культурную каштоўнасць мае вусная народная творчасць. Фальклор – летапіс народа, захавальнік яго багацейшых духоўных традыцый, быту і гаспадарчага вопыту, абуджальнік творчых здольнасцей беларусаў. Менавіта гэтага прынцыпу прытрымліваюцца ўдзельнікі аб’яднання па інтарэсах “Асалода” (кіраўнік – настаўнік беларускай мовы і літаратуры Яўген Валер’евіч Есіс).
Пад час арагізацыі заняткаў ўдзельнікі ўсведамляюць, што фальклор – з’ява мастацтва, дзе ўсё багацце ідэй выяўляецца праз мастацкія вобразы. Відавочна, што сваю важную ўласцівасць – задавальняць эстэтычныя патрэбы народа – фальклор не страціў да нашага часу.
Аб’яданне па інтарэсах “Асалода” уяўляе з сябе адну з крыніц вывучэння культуры роднага краю. На занятках дзейсным сродкам выхавання падрастаючага пакалення з’яўляецца абуджэнне яго нацыянальнай свядомасць праз вусную народную творчасць, якая добра захавалася не толькі ў памяці беларусаў, але і ў актыўным ужытку сёння.
Удзельнікамі аб’ядання па інтарэсах вылучаны вытокі каляндарна-абрадавага фальклору, фарміраванне яго вобразнай сістэмы праз міфапаэтычнае ўспрыманне і асэнсаванне нашымі продкамі кругазвароту жыцця ў прыродзе. Універсальная ідэя арганізацыі заняткаў скіравана ў імкненні чалавека захаваць род, сям’ю, забяспечыць працяг жыцця ў часе і прасторы. Каляндарна-абрадавая дзейнасць духоўна асвячала гаспадарчую дзейнасць хлебароба.
У наш час грамадства праяўляе вялікую цікавасць да нацыянальнай гісторыі і культуры, да фальклору і традыцыйных абрадаў. Ідзе працэс абуджэння нацыянальнай свядомасці і гістарычнай памяці, адраджэння народных традыцый і святаў – Калядаў, Масленіцы, Гукання вясны, Сёмухі, Купалля, Дзядоў і інш. Сучасная школа актыўна ўключаецца ў гэты працэс. Наша аб’яданнне па інтэрэсах не стала выключэннем.
Пры пастаноўцы абрадаў каляндарна-абрадавага цыклу “Калядкі” і “Вербніца” вядучай ідэяй становіцца клопат пра чалавека. Пад час пастановак гледачы ўбачылі, што побач з працоўным бытам беларуса шырока адлюстраваны маральна-этычныя асновы народнага светапогляду, раскрыты духоўны свет продка беларуса.
